影片
更多
2016-05-04
594 浏览
趁住五一劳动假期，同妈咪去观塘工厦区觅食去今次拣左呢间魔膳工房，其实经过想试好多次，而且都睇佢既食评大部份都好评，所以相信佢唔会令我失望既开12点，我同妈咪12点就准时到楼下，但楼下似乎未开，打左电话后好快就开门。上到去，无论门口装修定入面既环境都比人感觉好舒服同阔络既感觉，被安排到卡位坐，都算舒服，如果同朋友聚餐吹水应该会系个好地方。由于妈咪想食素果啲（怕肥㖞），就系素菜lunch set 果到叫左呢个露荀扒茄子豆腐（$78）连田园沙律一个。老实讲，我望哂成场都无人叫呢个，呢个价钱其实餐牌上好多唔同选择都可以叫，而且可能少人叫所以都差唔多四五个字先黎到。讲返个餐先，其实就真系好大碟，翠玉瓜，茄子，豆腐各有3件，都系好大件既，全部都系煎香过，豆腐系普通平时砖豆腐既味道，外皮都算煎得ok，反而茄子虽然煎左但唔够香，内里都有少少生既感觉，其他配料我都试左啖，全部都一般无咩特别，因为成碟都系素，即使煎过哂都系淡，加左啲类似烧汁既酱加左啲味道，但我谂重口味人士一定唔会岩，想食清既可以考虑呢个。我就叫左呢个煎鳕鱼配中东小米沙律菜$88，整体外观都几吸引，岩相机食先，试左件鱼先，皮煎得香脆而且唔会
开12点，我同妈咪12点就准时到楼下，但楼下似乎未开，打左电话后好快就开门。上到去，无论门口装修定入面既环境都比人感觉好舒服同阔络既感觉，被安排到卡位坐，都算舒服，如果同朋友聚餐吹水应该会系个好地方。
由于妈咪想食素果啲（怕肥㖞），就系素菜lunch set 果到叫左呢个露荀扒茄子豆腐（$78）连田园沙律一个。老实讲，我望哂成场都无人叫呢个，呢个价钱其实餐牌上好多唔同选择都可以叫，而且可能少人叫所以都差唔多四五个字先黎到。讲返个餐先，其实就真系好大碟，翠玉瓜，茄子，豆腐各有3件，都系好大件既，全部都系煎香过，豆腐系普通平时砖豆腐既味道，外皮都算煎得ok，反而茄子虽然煎左但唔够香，内里都有少少生既感觉，其他配料我都试左啖，全部都一般无咩特别，因为成碟都系素，即使煎过哂都系淡，加左啲类似烧汁既酱加左啲味道，但我谂重口味人士一定唔会岩，想食清既可以考虑呢个。
我就叫左呢个煎鳕鱼配中东小米沙律菜$88，整体外观都几吸引，岩相机食先，试左件鱼先，皮煎得香脆而且唔会过份油腻，食既时候仲热！肉质都系滑口唔会话煎得过长时间，加埋皮下既鱼油为鱼柳增添嫩滑既口感，食落好新鲜唔会话好冰鲜感同埋无腌得过份既感觉！但讲厚就唔系话好厚肉果种，所以唔算好come食中东小米量其实都几少，比起餐牌上其他全部有饭有意粉跟既餐黎讲，呢个绝对系最唔够饱果个餐，但如果讲质素我觉得真系唔错既！
蘑菇汤妈咪赞不绝口，好香滑但唔会太重忌廉感，好快被我俩KO左
成餐饭唯一唔满意系个餐包，细旧之余，口感奇怪，又唔系烟韧或者法包果种硬脆，又无软熟既感觉，味道亦唔系话香草定咩口味，唯有查哂成旧牛油当食牛油算以唔过一百蚊一个人食到呢个质素，绝对系唔错！会继续黎试其他野食~~~
张贴
