丸十日本食堂 (已結業)

同女朋友约左行葵广，同女仔黎得呢d购物圣地就预左冇得停落黎，行左两三个钟，真系行到脚仔攰，就过隔离环境好d既葵芳新都会广场歇歇脚。见到有间环境阔落又舒服既日本料理店，原来系前几日食过嘅同一集团吸，所以都忍唔住就入去食返餐好既慰劳下自己。终于可以坐底抖抖，平时女朋友都好钟意食寿司，所以叫左两份寿司同一份清酒煮蚬食下。上菜速度都算几快，落单几分钟已经有野食，食野既卖相都唔错，灸烧既效果增加鱼肉既香味同油脂味，但又唔会抢去鱼既鲜味，对鱼生抗拒既朋友都可以考虑灸烧既寿司。食完寿司叹返几杯绿茶，慢慢坐下，休息下又可以继续陪女朋友再战商场啦。