黃明記粥粉麵家 (已搬遷) 新店位置

慕名而来，下午点零钟嘅时候刚好仲有一个卡位，两个人点左四宝面和四宝紫菜河，想试多啲唔同嘅丸，问伙计四宝有边四宝，佢话有鱼蛋、墨丸、鱼扎和鱼皮饺 (奇怪会有鱼扎），所以另外点左猪肉丸拼云吞，再加白灼腰润。两碗粉面嚟到，并非伙计所讲嘅四宝，碗河粉有两粒猪肉丸、两粒墨鱼丸和两粒鱼皮饺 （居然冇鱼蛋)，只系三宝。碗面就有鱼蛋、墨丸、鱼皮饺和猪肉丸。两碗都冇鱼扎，反而有猪肉丸，如果系咁我就叫云吞拼鱼扎啦⋯⋯ 似乎四宝都系随心，听到伙计喺厨房话呢碗冇鱼蛋㖞⋯⋯ 所以都算啦，反正食完都觉得冇必要试咁多嘢⋯⋯小时候食开香港仔谢记，呢度啲丸始终都系比唔上，除咗谢记冇嘅猪肉丸，质素系唔错，其他就有啲失望。食完一粒相信类似系墨丸，系淋嘅，有少少霉，冇口感，冇墨鱼味。除咗猪肉丸系真系可以赢到其他地方，其余嘅都系一般。比较欣赏啲河粉，够幼够滑，面嘅份量都唔错，加$3有紫菜都算几抵，汤底多油，偏咸，食完之后都几口渴，有猪肉嘅云吞亦都算有水准。惊喜嘅反而系白灼腰润，质素非常高，几爽口，有芽菜底，有点儿喧宾夺主⋯⋯