居食屋「和民」 (已結業)

和民一向质素一般，今次再访系因为佢有BB凳。七点多本应好多人排队先系，不过今日真系唔洗排队，排既都系排紧隔离既牛角同牛涮锅。我地一行四人点左个四人餐，都几多野食。无记错系，有四人份量既沙律，两个小食，四杯野饮，两个主食，一个锅物，仲有D前菜咁，我地自己再追加左牛油果三文鱼卷。今次觉得和民既野食质素又好反少少。小食既柚子鸡翼几好味，个汁酸酸甜甜，个鸡翼脆卜卜。而牛油果三文鱼卷都唔错，几开胃。大阪烧炒面好似中式既鼓油王炒面，哈哈，OK啦，唔好食都唔难食既。豚平烧一向都好食，今次都唔例外。鳗鱼饭都几好，鱼肉唔梅，饭唔太湿，合格的。个牛锅D牛都绝对收货，虽然加左钱，但真系好有牛味既。唯一觉得好难食既系呢碗野，好奇怪，食唔落去。