Doppio Caffé (已結業)

假期去咗呢间餐厅食早餐，其实呢间餐厅一直都要出去counter先可以落order，我就觉得好奇怪，明明有几个waitress，但系都唔可以落order咩?好似今次得我一个食去落order，但我拎住袋野，咁我放低个袋，再出去落order，其实我觉得有啲唔方便。讲到早餐，我叫咗一个all day breakfast 。第一，佢个薯饼真系好大阵雪味，同好易散。我系一个好钟意食薯饼嘅人，但系佢嘅质素令我食完两啖，已经冇食啦。另外佢个法式多士，劲油，冇厚度，系我食过咁多个之中最差一个。最后饮品方面，我其实系叫即磨咖啡，但佢最后俾咗即溶咖啡，我估计系雀x咖啡。我都算！但系唔知系咪沟水沟得多，还是咖啡份量太少，实在太淡味，我最后饮唔到一半，就已经冇饮了。呢一间餐厅之前我都有帮衬开下昼至到夜晚，质素都可以，但今次帮衬，大跌眼镜。至于服务方面，我觉得佢哋可以再改善，尤其我WhatsApp录音讲紧嘢嘅时候， waitress 就唔好喺我隔离问我野，最好就系我做完嘢之后先至问我会比较好啲。