團日式拉麵

营业中

休息中

今晚我同个 friend去咗呢间人气日式自助贩卖机拉面店，部机同日本嘅自助贩卖机差不多一样，先选要边款拉面，再拣直面定曲面，然后再选要唔要走葱或竹笋，确认后入纸币便会出票，入店内将票交店员，便可坐定定等食。我哋点咗樱花虾拉面同埋辛味拉面。樱花虾拉面有好多樱花虾干，汤底好浓好鲜甜，仲好有虾嘅鲜味，两大块紫菜好脆，溏心蛋是流心的好正，叉烧是薄薄的几片，肥瘦适中，我选了曲面，好挂汤，食落感觉到啲材料好高质素，绝唔系外面普通嘅拉面。我个 friend 叫咗呢碗辛味拉面，是辣的，同我𠮶碗一样有溏心蛋，佢一路食一路赞，话系荃湾最好食嘅拉面㖞。我哋仲买咗呢两支日本入口嘅全熟桃味汽水同信洲苹果梳打，食日式拉面要饮番日本饮品先至正宗嘛。