秋香 (黃金海岸商場) (已結業)

假日又同老公跑步美食团！今次屯门跑去黄金海岸，上网search就揾咗呢间黎试吓，假日午餐餐牌，选择唔算少，但又好似有啲唔够，最后叫咗猪软骨豚骨乌冬配珍宝吉列虾同蒜辣牛粒煲仔饭，另加$25升级饮品同$20炸唐杨豆腐。首先上面豉汤，够热正常，豆腐唔错价钱亦唔贵，嘢饮$25就有啲贵，煲仔饭几有惊喜，除咗啲牛肉粒有少少筋之外，饭底有少少饭焦同好多菇，配埋好夹好味，牛肉粒亦几多，猪软骨乌冬都几好食，够腍，虾炸得好食，又够大只，直程正啦！整体食物有水准，服务都唔错，可以一试。