影片
更多
2015-01-21
1044 浏览
最近好钟意食饺子，不停地试香港唔同地方嘅饺子店，今次就试呢一间，不过讲明先，其实系有少少失望。地方唔难揾，夜晚七点前去到，有好多位．舖头几旧，好中国式嘅设计，墙上面仲挂左有毛泽东嘅画。好似系家庭式经营，侍应全部讲纯正普通话，不过佢地都识听广东话。佢地嘅态度麻麻，好似爱理不理咁。台面望落去几干净，但系我用纸巾抹左后，纸巾系黄黄地黑黑地。菜单选择几多，有小菜有饺子有面有甜品。本身想叫一份饺子再加一碟油菜，健康啲呀嘛，点知佢菜单上系完全冇油菜。我问佢地有冇，佢地话可以烚一碟小白菜，不过就盛惠$25，虽然唔特别贵但我觉得唔抵，所以就冇叫到。我叫左一份素菜饺（$38），等左都几耐。上菜后其实少少失望，因为饺子几细只，如果净系食饺子我唔大食但我都一定食唔饱，但问题系佢菜单上其他野全部都大大碟，我自己一个人都唔知可以叫咩。咁冇计啦，照食。食左两只之后，数下，点解得返七只？我问老细一共有几多只，佢话九只。我有少少唔满意，因为成日食开一碟都系十只，而佢又冇注明，咁都冇办法。其实饺子馅都几好食，有菜，少少粉丝，其实都几简单，加少少醋同豆瓣酱系唔错，但系就真系好细粒，而且唔多馅，一啖一只冇难度。食完后好似冇
地方唔难揾，夜晚七点前去到，有好多位．舖头几旧，好中国式嘅设计，墙上面仲挂左有毛泽东嘅画。好似系家庭式经营，侍应全部讲纯正普通话，不过佢地都识听广东话。佢地嘅态度麻麻，好似爱理不理咁。台面望落去几干净，但系我用纸巾抹左后，纸巾系黄黄地黑黑地。菜单选择几多，有小菜有饺子有面有甜品。
本身想叫一份饺子再加一碟油菜，健康啲呀嘛，点知佢菜单上系完全冇油菜。我问佢地有冇，佢地话可以烚一碟小白菜，不过就盛惠$25，虽然唔特别贵但我觉得唔抵，所以就冇叫到。我叫左一份素菜饺（$38），等左都几耐。
素水饺
$38
92 浏览
0 赞好
0 留言
上菜后其实少少失望，因为饺子几细只，如果净系食饺子我唔大食但我都一定食唔饱，但问题系佢菜单上其他野全部都大大碟，我自己一个人都唔知可以叫咩。咁冇计啦，照食。食左两只之后，数下，点解得返七只？我问老细一共有几多只，佢话九只。我有少少唔满意，因为成日食开一碟都系十只，而佢又冇注明，咁都冇办法。其实饺子馅都几好食，有菜，少少粉丝，其实都几简单，加少少醋同豆瓣酱系唔错，但系就真系好细粒，而且唔多馅，一啖一只冇难度。食完后好似冇食过野咁，要到对面些粉再买少少野食。而且我觉得佢地服务态度都唔好，做唔做你生意都冇所谓。环境又唔特别好，灯光好昏暗。虽然我好钟意食饺子，但我一定唔会再返呢间食，我会宁愿远啲到附近嘅北方饺子源或者其他饺子舖头食。
张贴
