影片
更多
2016-07-24
200 浏览
还记得上年十月嘅时候去铜锣湾排队食炸鸡，记忆中味道不错～今日突然心血来潮要食韩式炸鸡，所以决定揾返佢⋯原来短期内红磡都开左一间分店～所以决定到红磡觅食啦～红磡分店门面同铜锣湾差唔多，铺面比铜锣湾大，但就唔见有人龙，店内客人亦只坐满七成左右，记得上次个promo系芝士味嘅炸鸡，而今次系香蒜味炸鸡～但呢两种味道都唔系我今日嘅目标，今日目标系原味炸鸡同秘制辣味炸鸡$128（十件）！仲order左一杯可乐同粒粒青提冰特饮～餐前小食有三款，辣泡菜、大豆芽、酸白萝卜，之前铜锣湾order左炸鸡要等15分钟！但今次⋯真系5分钟都唔使，就已经可以上台～效率快左咁多嘅？⋯有点意外！眼见炸鸡好似唔同左⋯外表好似炸得过了火？干干的！但⋯点解全部都系鸡锤？？点解会咁架？乜唔系应该有鸡嘅其他部位，鸡亦、鸡上脾呢？说好的韩式炸鸡呢？忽然间有啲被骗的感觉! 原味炸鸡同辣味炸鸡嘅分别，只系将原味炸鸡淋上香辣酱，而且辣酱又唔均匀包唔晒成只鸡锤⋯好求其！卖相差！真系好求其！实物与图片分别太大了吧？诚意何在？炸粉又厚，鸡肉汁呢？肉质偏干，冇味嘅！天呀⋯真系预计唔到会咁，今次完全中伏！粒粒青提冰酒味都几偏重，初初以前粒粒青提
原来短期内红磡都开左一间分店～所以决定到红磡觅食啦～
红磡分店门面同铜锣湾差唔多，铺面比铜锣湾大，但就唔见有人龙，店内客人亦只坐满七成左右，记得上次个promo系芝士味嘅炸鸡，而今次系香蒜味炸鸡～但呢两种味道都唔系我今日嘅目标，今日目标系原味炸鸡同秘制辣味炸鸡$128（十件）！仲order左一杯可乐同粒粒青提冰特饮～
餐前小食有三款，辣泡菜、大豆芽、酸白萝卜，之前铜锣湾order左炸鸡要等15分钟！但今次⋯真系5分钟都唔使，就已经可以上台～效率快左咁多嘅？⋯有点意外！眼见炸鸡好似唔同左⋯外表好似炸得过了火？干干的！但⋯点解全部都系鸡锤？？点解会咁架？乜唔系应该有鸡嘅其他部位，鸡亦、鸡上脾呢？说好的韩式炸鸡呢？忽然间有啲被骗的感觉! 原味炸鸡同辣味炸鸡嘅分别，只系将原味炸鸡淋上香辣酱，而且辣酱又唔均匀包唔晒成只鸡锤⋯好求其！卖相差！真系好求其！实物与图片分别太大了吧？诚意何在？炸粉又厚，鸡肉汁呢？肉质偏干，冇味嘅！天呀⋯真系预计唔到会咁，今次完全中伏！
粒粒青提冰酒味都几偏重，初初以前粒粒青提系有提子，因为见到图片系有提子存在，点知饮极都冇，用匙羮搞极都揾唔到⋯$45一杯，唔值啰。
唉，浪费了我对韩式炸鸡的期待心情真系好失望！所以连相都唔想影，但必须要写返个食评给予一个警惕！咁样嘅质素，收咁样嘅价钱？凭乜野呀？如果没有心、没有诚意，请不要开分店了！初衷何在？是否已改善了营销策略？名气大了就可以任意妄为？对得住专诚去捧场的食客吗？价钱贵唔紧要，但请与食物质素成正比！可惜质素连肯德鸡都不如，只有鸡锤嘅炸鸡，倒不如帮衬m记算啦。
质素真系普通得紧要！没有下次了
张贴