麵屋福

营业中

休息中

面屋福已经系道好多年, 疫情期间仲曾经例必排长龙。 挨过咗疫情, 依然健在, 只不过见到少咗排长龙, 其实佢地质素无变差过, 要排都多数系中午人人都赶既繁忙时间。78蚊既鱼介豚骨沾面, 其实系Menu上最基本、最简单既选择, 亦都系最平, 午市仲送汽水。多人叫既仲有黑蒜油同蕃茄汤, 但我觉得Basic既鱼介豚骨已经好好。起初我并不热爱鱼介豚骨, 所以连附近仍然成日排长龙既台风都少食, 但系面屋福既鱼介豚骨汤底令我改观, 开始接受呢种「重口味」。浓厚汤汁味道复杂, 仲加埋少量柚子, 食晒面有汤剩真系太浪费! 老细1D都唔孤寒, 次次都有鱼介粉一大羹, 仲有时会有free upgrade做三块紫菜。𩠌方面, 两大块叉烧, 起码有2mm厚。好多拉面店都只系跟半边蛋, 面屋福系每碗都有全只蛋, 仲好入味, 保证流心。 钟意食葱既, 基本上啖啖有, 够食唔洗加。 面既份量唔止多, 仲够晒弹牙, 但要食得够快, 否则会黏埋一饼。 啱架啦, 食快D, 食完咪阻住个地球转, 出面可能排紧队呀! 78蚊在香港拉面标准而言, 真系算平! 佢仲平得来, 又好食又够饱! 来咁多之, 暂时未见过有人嫌唔够食,