佐禾町居食屋

营业中

休息中

前前后后过黎食咗五次，试过寿司＆刺身定食，鳗鱼定食，天妇罗定食，牛舌丼饭，觉得系值得推介嘅同路人店舖！原因主要有两点：1. 嘢食好味，佢嘅鱼生食得出好有鲜味，可以感觉到食材档次（或者处理方法）高过寿x朗（呢个系基本要求啦，但好多日本料理舖都做唔到）；鳗鱼好鲜甜多汁，冇腥味；牛舌厚切，爽朗弹口；而佢嘅前菜每次都唔同，有时候系豆腐，有时候系贝类，但都几开胃。2. 价钱有竞争力，呢间嘢嘅定食系列最贵（刺身定食98＋晚市额外30蚊）都系128，但会食到比较贵嘅食材（例如虎虾刺身，海胆），对比啲连锁寿司舖，如果叫同样等级嘅嘢，分分钟会更加贵。而且有平价且质素高嘅选择，例如68蚊嘅定食系列，甚至系48蚊嘅丼物，都好值得食。