冬蔭公公 (已結業)

呢间野，开张已经食到而家，最近呢几年越黎越唔好食，今日再嚟食，但系忍唔住要写返篇野黎提醒大家，真系非常难食。今日系叫左个海南鸡饭，猪扒捞檬，同埋泰式虾饼。首先猪扒捞檬嚟到，一睇话个样就已经唔想食，块猪扒嘅外皮见到好厚好厚，干争争，又鞋飒飒，啲檬粉系好大碟，但系硬骨骨黐埋一旧旧。跟住泰式虾饼嚟到，呢个就真系恐怖啦，望落去应该返炸咗超过10次，佢求其将中间切开变两块出黎，一夹上黎就见到啲油由内到外咁滴出嚟。之后嚟海南鸡饭，呢碟就勉强叫做可以接受，虽然佢啲鸡肉都系鞋飒飒，饭又干争争，但系都叫做有啲味，总括来讲，其实都系唔好味，我哋3个人冇办法食得晒。影左相俾大家睇睇，等大家自己判断。