客家好棧 (已結業)

今次十二点零去食个点心午餐，里面客人唔算多到爆棚，所以任我哋拣坐边张台。客家好栈嘅点心选择都几多，我哋一共叫咗五款。呢个个馅系绿豆蓉，热辣辣，食落口好松化，同埋成个边都有芝麻包住，几香口。菠萝叉烧餐包就麻麻地，包底有轻轻煎过，唔错。包面嘅脆皮完全唔脆，软腍腍，而且叉烧馅好少，三个包加埋嘅馅都冇一个包嘅份量。茶菓个皮有咬口，黏下黏下几有嚼头。馅系花生，食落去都有花生香。鲜虾肠个皮拉得好滑，不过就唔算薄，虾都ok大只，鲜味就话有你都唔会信。碗仔翅几好，都算几足料，而且够稠身，不过唔够热。总括嚟讲，佢算系中规中矩，点心普通，并无特别不妥，同埋出点心够快，三数分钟已经送到。