酒盗 (已結業)

呢间位于北角的日本菜小店，位置不起眼，舖面细细，但却有超高质素的食物同殷勤的店员，店员会细心咁问我地对食物的意见，又会热情咁同我地介绍不同嘅酒，因为呢间小店主打好多款特别的酒，经店员介绍后，好少饮清酒嘅我地都忍唔住叫左一支浅尝一下。黑松露带子沙律 $58好香黑松露味，带子略为煎一煎好香口，配埋蕃茄、青瓜、沙律菜，仲有酸酸地嘅沙律醋，系好清新的小食。特盛甲罗丼 $168包括2个松叶蟹盖，分别系海胆同埋九头龙清酒煮松叶蟹肉，店员教我地将呢2个蟹盖嘅料，连埋蛋黄一齐捞落个蟹籽饭，好香好好味呀，仲有少少炭烧的味道，每一啖都有好丰富嘅口感，食完系好满足！海胆 $280海胆系时价，所以可能价钱会有变，我地以为夹紫菜夹饭会好食，原本唔包饭的，但店员好好话送一碗俾我地，但我地发现原来就咁用紫菜同青瓜丝夹住嚟食先系最鲜味！呢个真系无得输，海胆又鲜又滑，超好食！长野纯米吟酿 $35店员话呢只系长野县北阿尔卑斯山嘅之地酒，特点系醇厚香浓，米香扎实，我唔识分架其实，但觉得饮左落去有一阵暖流，好暖胃，米味就唔太重，反而酒味好出，呢度只系2小杯份量，但饮完都有啲wing wing地。