好棧 (已結業)

虽然店舖内装修不如大集团连锁店般精致，但正因为咁俾到人亲民嘅感觉，而收费亦都唔高。呢度嘅选择好多，最推介系佢嘅芝士鸡扒面，芝士汁十分香浓，再加埋有辣味令佢好适合用嚟配面食。鸡扒十分嫩滑，表皮好脆好香口，而鸡扒可以转做其他肉类，所以唔食鸡嘅人都可以有另一个选择。心目中呢度另一样唔错嘅选择系蕃茄牛肉通粉，同平时街外食嘅唔同，佢蕃茄味好浓郁，好开胃。而有一样想推介嘅饭类系咖哩吉列猪排饭，吉列猪排调味适中，炸粉唔会过厚，配埋咖哩汁配饭好快食晒。