浪人日本料理 (已結業)

呢一间浪人日本料理佢同其他放题唔同既就系除咗点心纸之外，佢出面都放咗好多食物例如烧物，冷盘，刺身等，仲有好多唔同既饮料。佢嘅冷盘有好多种，包括正常嘅中华沙律，豆腐，温泉蛋，仲有一啲西餐例如蜜瓜火腿，沙律菜等等，质素都几高。汤呢佢有粟米汤同埋面豉鱼头汤，粟米汤好好饮，面豉鱼头汤好鲜味， 冬天饮番一碗真系一流 。至于烧嘢食有羊架，西冷牛扒，肠仔，菠萝，带子等海鲜，同埋唔同嘅肉类。烧肉好高水准，唔会烧到过老，啲肉汁仲保持到 。寿司有海胆，鲑鱼籽，鳗鱼。刺生有希灵鱼，三文鱼，北寄贝，鲍鱼等一般日式放题都有嘅，但系食得出好新鲜，一d都无怪味。至于点心纸有唔同嘅炸物，而我就嗌咗天妇罗，芝麻鸡翼，芝士焗蚝，芝士带子呢几样嘢印像比较深刻，因为真系好好食。至于甜品呢，个甜品柜入面有多过十五种甜品，佢啲甜品普遍都好出色，尤其系芝士蛋糕，真系encore咗好多件。