國金軒

营业中

休息中

第一度上枱嘅系虾多士，只虾好新鲜，多士够脆口，最重要系唔系好油。第二道菜系烧味拼盘，本来想食乳猪同叉烧，侍应就建议我哋叫呢个烧味拼盘，两样都有齐，仲有青瓜海蜇拌碟。乳猪皮薄而且冇乜脂肪，叉烧肉质弹牙而且都几淋，个海蜇嘅质素好高，同平时出面食到嘅好大分别。温公斋煲好味，最好食系啲粉丝，因为吸晒啲南乳味，莲藕片云耳豆腐卜𠮶啲食材都好新鲜。呢个系侍应介绍嘅牛面珠肉，味道都唔错，牛味好香，而且一啲都唔韧，同埋佢拌碟𠮶个菜好新鲜爽口好好食。最后一个𩠌系杞子浸苋菜，个苋菜好鲜嫩，面头有啲虫草花，呢个𩠌清清地几好。