上海點匠滬點小廚

营业中

休息中

今日去开佐敦𠮶边做嘢，夜晚见到一间新开嘅上海小店，突然好挂住小笼包同鸡丝粉皮🤣所以最后都系入去试吓🫶🏻餐厅装修光猛，枱与枱之间亦保持足够空间，今次坐卡位非常舒服👍🏻另外每台都有一个热茶壶，麦茶都几好饮，啱晒养生嘅我。打开Menu好多野都好想试😝最后我哋两个人叫咗水煮牛肉，小笼包，鸡丝粉皮，红油抄手。先讲小食，小笼包真系皮薄馅靓！劲小心夹，好惊啲汤泻晒😂热辣辣食超juicy。鸡丝粉皮可以拣麻酱或者麻辣，我哋就拣咗麻酱，呢度真系我食过最多鸡丝既一间，同啲粉皮比例系一比一，啲鸡丝亦都几滑，用咗有粒粒花生嘅花生酱🥜啱晒我😍。红油抄手都好足料，精粹在于个汁，够惹味，但我个人觉得可以再辣啲，三款小食都好高质。我哋嘅主菜水煮牛肉真系非常推荐！性价比极高，依个size平时其他地方食一定要三位数，呢度$98就食到。超大盘，起码系两至三人份量，牛肉好嫩滑，厚度适中，大块有口感。另外仲有好多芽菜同薯粉，两样都系好吸味嘅配料，所以食落真系好重口味，啱我🥰整体来讲，呢度选择多，食物质素亦都好好，最紧要系环境坐得舒服同干净。一定会再有下次😊期待下次叫多啲小炒试吓。