熱菇喲 (已結業)

呢期留家太闷， 终于有时间和心情去寻找美食，但又惊去人多的餐厅，今次我选择了餐厅名够特别的小店来食， 估唔到有惊喜㖞。比目鱼西京烧 ~ 必点，烧得面脆内滑， 我还主动要求加点沙律酱点来食，冇得输呀。汁烧鸡扒 ~ 浓郁的烧汁去烧鸡扒。唐扬鸡柳 ~ 薄薄的炸酱，啖啖肉。烧饭团 ~ 估唔到又烧得唔错㖞。清酒煮蚬 ~ 蚬肉冇沙，加菇清酒去煮，食时啖啖酒香又唔会醉。鸡肉温泉玉子沙律 ~ 好欣赏个沙律够fresh 用温泉蛋去拌匀沙律已经好清甜。稻庭乌冬(冷) ~ 唔洗讲啦！够弹牙 😀牛舌 ~ 好有质感，好咬口 😍A5和牛粒 ~ 一粒一粒放入口， 小小juice 大葱鸡肉 ~ 一定要一口大葱连鸡肉一起夹住食先够豪起。芦笋豚肉卷 ~ 芦笋清脆小小的豚肉包著唔错。一间有质素的小店，好岩座低慢慢叹一串串新鲜烧好的美食，再一路吹水就最好不过， 但留意最好分开几次落单，因为一烧完即食系最好味的，差唔多食哂就叫下round 咁就very good 。