琥酌 (已搬遷) 新店位置

约左好耐无见既朋友食饭 想系尖沙咀静静地揾间餐廰唔容易 之前听朋友介绍过琥酌 可能因为系星期二唔使等位就入得朋友好钟意食日本野 见到烧牛好开心 拣左顶级安格斯牛古列盛盒set : 安格斯牛，鹿儿岛A5和牛肩胛，牛舌同和风野菜。 野食唔算太多，胜在质素高，上碟个吉列牛，望落够晒吸引，外脆内软，再烧一烧，即时好香，放入口感觉好正。我同朋友越食越高兴，叫多左个蒲铙鳗鱼饭，鳗鱼玉子烧，烧茄子，同蓝蝶花雪梨特饮。每样野都好食，好满足。最估唔到系本蓝蝶花特饮，望落好似cocktail 咁靓，饮落甜甜地仲有雪梨溶，唔系一般就咁雪梨味既水。觉得制作用心，值得加分！平时做野咁辛苦黎到同朋友轻松倾计饮野，干净又环境好，非常满意。