重慶劉一手火鍋店 (已結業)

今日放工同班fd落左cwb食刘一手，次次行过佢门口都闻到劲大阵麻辣味，今日终于忍吾住去挑战下。咁我地汤底就叫左香浓猪骨汤同埋正宗重庆麻辣锅。个猪骨好浓郁睇得出应该都淆咗唔短嘅时间，饮落清甜有好浓嘅猪骨味，用黎做汤底一流，尤其是用黎烚返猪肉片更加系冇得顶。而佢嘅麻辣汤麻度同辣度个比例好好，吾会得个辣，而且味道好香浓， 越食越过瘾，中意食辣嘅真系唔好错过。今次要点名特别讲嘅系油炸鬼墨鱼滑同埋海鲜拼盘C。首先佢嘅油炸鬼墨鱼滑，油炸鬼好脆而且脆得黎冇油益味，浸落个汤30秒度就可以食，因为油炸鬼易软而墨鱼滑易熟所以两者真系绝配，油炸鬼香脆可口加上墨鱼滑嘅鲜甜弹牙，依个𩠌真系值得推介俾大家。到佢嘅海鲜拼盘啦，依有拼盘有石蚌鱼一条，贵妃蚌四只， 桶蚝四只，珍宝带子八片，墨西哥辽参四件，每样就咁睇都好新鲜，条鱼直头仲郁紧，食落肉质紧致，鲜甜。其中佢既带子同贵妃蚌最好食，但要留意嘅系千其吾好烚太耐，吾好肉质就会变老变韧㗎啦。总结嚟讲呢间嘢嘅食物质素对得住佢嘅价钱，各位如果有兴趣都可以呢一试。