紫丹亭後街牛扒 (已搬遷) 新店位置

同男朋友都钟意食牛扒，偶尔系openrice见到有牛扒放题于是就book左星期五晚去食啦。牛扒放题188，任食西冷牛扒，薯条同沙律。薯条翻炸左好多次，好多都好干身，调味好几重手下。沙律正常野。牛扒大大块但都几薄身，我叫左五成熟，熟既程度岩岩好。但一食就知系乸过所以咁淋，而且无乜牛味。黑椒汁个味几浓，侍应话个汁系用好多牛既头头尾尾掉埋落去煮，绝对唔系街边d黑椒汁可比。但我就食唔出有咩特别，因为旧牛无乜味既关系基本上点咩汁都会抢晒味。最后我同男朋友都只系食左两块就收档。唯一好既系侍应好有礼貌。任食价钱的确几抵，如果对食物无乜要求既朋友黎呢道就岩晒，可以食番餐劲。