一君士多 (已結業)

食咗两次，食物质素ok。车仔面同小食份量偏细，花菇猪皮好食，猪手都入味，汤底话系浓味猪骨汤但真系食唔出。鱼蛋太细粒啦。上菜实在太慢，今日下午2:32落单，等咗23分钟先食到碗面(餐厅唔满客），其他客都系等好耐，感觉好似得一个人煮咁。职员不断同啲外卖客讲对唔住等咁耐⋯⋯最恶顶系冷气弱，已经加咗部直立式冷气都唔得，冷气机显示29度，再加埋啲客出出入入开门闩门真系食到出晒汗。要等天气凉啲同唔赶时间先好嚟。