影片
更多
2021-04-17
212 浏览
睇戏前先食碗拉面，星期六中午时间，有好多位，一个人唔使排队，即刻有位坐，不过坐咗一阵就越来越多人嚟，好快就决定咗叫酱油拉面，先来杯茶，都有绿茶香味，有独立包装抹手毛巾，几卫生，等咗大概2分钟拉面就嚟。望落去份量OK，有三片叉烧，肉质唔错，唔会太干，几多䓤，仲几香，笋都几多，鸡蛋几滑，蛋黄湿湿地，片紫菜冇乜特别，到拉面嘅精髓，钟意佢嘅面质比较硬身，酱油汤底就冇乜特别，胜在唔算好咸，成碗拉面都好平均，整体质素系算高，不过就唔会食到有哗哗声嘅感觉，$128一碗，加埋一要$141（其实服务费应该系$12.8，唔知点解要加多两毫子⋯⋯）CP值唔算高，入座同结帐时间只系相距11分钟，谂住快快脆脆食完就算，虽然凭单两星期内再光顾可获九折优惠，不过冇乜好想再返去嘅感觉⋯⋯
酱油拉面
$128
19 浏览
0 赞好
0 留言
张贴
