越翠苑

营业中

休息中

荃湾黄店唔算多，越翠苑比较偏僻，今日咁啱路过特登去试吓。餐厅唔算好阔落，普通茶餐厅装修同埋格局，啲枱櫈好黄🤣餐厅全部都系食越南菜，我见到隔离枱嘅法包似汉堡包咁几得意。我自己就叫咗香茅牛肉捞檬同埋冻奶茶。上菜速度都几快，冻奶茶叫咗少甜，真系少甜嘅，茶味比较淡，不过不失。檬粉牛肉唔韧，无乜肥，不过都唔系好重肉味。腌萝卜几好食，酸酸甜甜。檬粉比较软身，如果可以爽少少就更好。餐厅个音乐比较大声，唔系好岩倾偈，不过好既地方系唔会赶人走。整体ok。