影片
更多
2010-03-10
35 浏览
今晚6:30由尖沙咀天星码头开始---食丫----XTC→Kraze Burger→炒面面包MOKIKO→串爆酸辣粉→日出茶太第二站"Kraze Burger "由海旁行到i Square.这商场唔系咁好行,地方比较窄,几间舖就一层,加上商店未开齐,行电梯的时间多过行舖头.上到6楼,系食野嘅地方,见Kraze Burger 外型讨好,加上黑板写住有7折,咁就钟左入去环境好清洁舒服,加上冇乜客人,所以都好好坐.汉堡包贵就预左,但冇餐叫,单要气水就盛惠$25,真系叫唔出口.好采有清水无限供应,另外薯条都要$28,但我见有个三十几蚊系写住Chili Cheese,心想比多少少都叫做有点特色,好过廿八蚊食净薯条丫!薯不知个伙记话三十几蚊果个只系酱汁不跟薯条,唔系呀化!三十几蚊得个汁?咁....净薯条啦唔该!Chili burger--->心想$68一个包应该有番咁上下份量,唉!唔黎食过都唔知原来我有妄想症,大嘅只系只碟.个汉堡味道唔错,不过牛肉较为松散,个名写chili但一d都唔辣,最失败系件包皮,全无弹性又唔松软又冇烘过,唔暖嘅.d包唔靓就拿拿声转用嘉顿啦!汉堡除了馅靓,个包都好重要
XTC→Kraze Burger→炒面面包MOKIKO→串爆酸辣粉→日出茶太
第二站
"Kraze Burger "
由海旁行到i Square.这商场唔系咁好行,地方比较窄,几间舖就一层,加上商店未开齐,行电梯的时间多过行舖头.
上到6楼,系食野嘅地方,见Kraze Burger 外型讨好,加上黑板写住有7折,咁就钟左入去
环境好清洁舒服,加上冇乜客人,所以都好好坐.
汉堡包贵就预左,但冇餐叫,单要气水就盛惠$25,真系叫唔出口.好采有清水无限供应,另外薯条都要$28,但我见有个三十几蚊系写住Chili Cheese,心想比多少少都叫做有点特色,好过廿八蚊食净薯条丫!薯不知个伙记话三十几蚊果个只系酱汁不跟薯条,唔系呀化!三十几蚊得个汁?咁....净薯条啦唔该!
Chili burger--->心想$68一个包应该有番咁上下份量,唉!唔黎食过都唔知原来我有妄想症,大嘅只系只碟.个汉堡味道唔错,不过牛肉较为松散,个名写chili但一d都唔辣,最失败系件包皮,全无弹性又唔松软又冇烘过,唔暖嘅.d包唔靓就拿拿声转用嘉顿啦!汉堡除了馅靓,个包都好重要架,便何况卖几十蚊一个.
净薯条--->同扒餐跟薯菜的薯条差不多,而且好碎,可能咁啱我果碟特别多头头尾尾.不过成$28,食至尊汉堡餐好过.
好采有7折,如果唔系都要成旧水埋单,不过食左六十几蚊,好似无食过咁,好野!一定好受女仕欢迎.
至于服务我又唔觉好差,佢都只系一间贵价快餐店姐,你想快餐店有咩服务呢?
张贴
