隆記茶室 (已結業)

茶餐厅,冰室虽然成日都食, 但其实个质量都几参差, 反而喺北角我食到一间真系好食嘅冰室, 特别系佢𠮶个黄金炒蛋多士, 佢入面系有咸蛋黄, 炒蛋炒得刚刚熟,好滑,仲有蛋汁流出嚟, 佢嘅多士都烤得好香, 甜甜地脆脆地好好食。佢嘅咖哩牛腩饭咖哩好浓郁， 仲有好多牛腩， 一半筋一半腩， 加上薯仔又炆得好淋， 我觉得好食过啲连锁茶餐厅。仲有我最钟意食嘅鸡翼， 佢po咗啲柚子密汁， 甜甜地酸酸地好开胃。个伊面热辣辣， 再加埋啲黑松露好惹味。个蒜蓉西兰花都好好食， 分量又够大碟 ， 又多蒜蓉， 唔似其他餐厅煮到一啲蒜蓉味都冇。好立克红豆沙冰， 好新鲜嘅配搭， 但个味又出奇地夹。