影片
更多
2015-12-22
1799 浏览
早前到访过中环一间西班牙餐厅，虽然有卖不少西班牙出名嘅菜式，如西班牙奄列、西班牙海鲜饭，但亦兼卖唔少其他地方菜式；而且，西班牙小食Tapas亦只有很少选择，感觉唔全面，又有点唔正宗嘅感觉，颇有意犹未尽之意。所以，今晚再与同学仔Ivan兄嚟到西营盘，接续西班牙小食之夜，兼预祝圣诞 。Chico Chica喺食友嘅推介，比起正宗嘅西班牙餐厅，定价又实惠啲；味道上又跟足西班牙口味，部份菜式又融入亚洲风味，所以，要传统有传统，要新派有新派。踏入店里，差啲被餐厅尾嘅玻璃反映呃咗，其实属小店格局，地方唔大，但颇有气氛，加上客人多，非常热闹 。餐枱亦好有特色，枱面贴上瓷砖，而我哋所拣近门口对外嘅高脚枱櫈，成张枱面都铺晒瓷砖，感觉有趣 。小型嘅笔记板餐牌，几页纸详列晒所有菜式，虽然款式似乎唔多，但睇嚟既特色，又够精，主菜三几款选择，但小食就选择多多，好嘢就在乎贵精不贵多啫。再者，讲明今晚喺西班牙小食之夜，就更加啱我哋，样样细细碟，可以试到多啲嘢 。小弟一向唔好酒，不过，老友就对酒甚有兴趣兼有研究，加上食西班牙小食，佢话点都要饮番杯先够兴致，所以，恭敬不如从命，小弟都小酌一杯，然而，以下嘅酒评都
Chico Chica喺食友嘅推介，比起正宗嘅西班牙餐厅，定价又实惠啲；味道上又跟足西班牙口味，部份菜式又融入亚洲风味，所以，要传统有传统，要新派有新派。
踏入店里，差啲被餐厅尾嘅玻璃反映呃咗，其实属小店格局，地方唔大，但颇有气氛，加上客人多，非常热闹 。餐枱亦好有特色，枱面贴上瓷砖，而我哋所拣近门口对外嘅高脚枱櫈，成张枱面都铺晒瓷砖，感觉有趣 。
小型嘅笔记板餐牌，几页纸详列晒所有菜式，虽然款式似乎唔多，但睇嚟既特色，又够精，主菜三几款选择，但小食就选择多多，好嘢就在乎贵精不贵多啫。再者，讲明今晚喺西班牙小食之夜，就更加啱我哋，样样细细碟，可以试到多啲嘢 。
小弟一向唔好酒，不过，老友就对酒甚有兴趣兼有研究，加上食西班牙小食，佢话点都要饮番杯先够兴致，所以，恭敬不如从命，小弟都小酌一杯，然而，以下嘅酒评都喺情商朋友写番几句。饮品餐单上亦有好多选择，由汽水、茶啡、无酒精鸡尾酒、啤酒、红白餐酒……等等，都一应俱全。
对酒无兴趣，而仲想饮得特别啲，我见佢推出咗啲冬季特饮，虽然，无试到，但单睇啲名称又真喺似乎几特别。
Estrella Damm Draft $58 / 品脱 老友先嚟一杯生啤解解渴，仲要一品脱份量，成大大杯，够晒豪气。朋友觉得只生啤味道较淡而清新，不苦涩易入口，口感清爽，配是晚嘅炸物及蛋饼几夹。
Altano, Douro, 2012 $58 / 杯（$298 / 支） 佢话叹西班牙小食，一边食，一边嗒吓红酒，感觉会宁舍唔同。而依一款葡萄牙红酒觉得属中度酒体，味道复杂，橡木味唔重，算干身，入口唔嚡（出面好多时饮落都有啲嚡口），唔食嘢就咁饮都OK，配是晚嘅烩辣肉肠、汉人堡等浓味食物好夹，质素算唔错，以3佰蚊一支有找嘅价钱属抵饮，出面好多要3-4佰才饮到差不多质素嘅酒。
炸西班牙粟米球（Croquetas de Maiz） $68 上文提过嘅西班牙餐厅，有一道炸蕃茄芝士意大利饭球，感觉几得意，所以，今次见到有一道相类似嘅菜式炸西班牙粟米球，又想试吓喺点！一客有4球，每个有一个乒乓球大细，炸得金黄，色泽匀巡；一咬外层非常香脆 ，而且，做得好薄，内里填满好似粟米面糊嘅嘢，好浓粟米味，又带点奶或忌廉嘅味道，有份咸中带甜嘅感觉，都真喺几有趣嘅小食。
炸西班牙粟米球
$68
36 浏览
1 赞好
0 留言
火腿比坚利（Jamon Bikini） $75 好鬼马嘅名字，何谓「比坚利」？其实喺西班牙一种小巧嘅三文治，借题发挥叫做「比坚利」。用料好简单，就只有黑毛猪火腿及西班牙小乳头牛奶芝士（Tetilla，因为芝士嘅形状犹如小乳头），虽然简单，但面包刻意用上薄薄嘅方包，仲将包面煎香过，入口时达至焦脆嘅口感 ，内里夹上火腿及芝士，咸香惹味，做得细细件，食咗两件都唔怕太顶肚，可以再试其他嘢。
火腿比坚利
$75
30 浏览
1 赞好
0 留言
依个既用馒头包，又以日本子姜入馔，更采用澳洲和牛，就喺店长所讲加入少少其他地方特色嘅西班牙小食。为贯彻融和风格，更以蒸笼上枱，两小个迷你汉堡，的骰小巧，自家手刴嘅澳洲和牛，绝对口感松化又好有肉香 ，薄薄一层车打芝士，配合日本子姜嘅酸酸辣辣，一啲都唔觉油腻 ，唯老友觉得始终配中式馒头包虽然松软，但咬落较黏牙。
汉人堡
$78
37 浏览
2 赞好
0 留言
西班牙蛋饼（Tortilla） $75 以上几道小食都做得出色，然而，试埋依道经典嘅西班牙小食就知真章，因为之前试过好几次西班牙蛋饼都做得过火。依度嘅西班牙蛋饼，一切开就知好对办，小弟唔一定要追求好「流心」，但一定唔可以过熟过老，今回个蛋饼外层微脆，内里仲流有蛋浆，入口蛋饼极为嫩滑，就好似炒滑蛋咁 ，加入洋葱、苏巴沙肠，口感、味道都唔单一，蛋饼面嘅A字喺辣酱写成，令个蛋饼带点点辣，好醒胃。
西班牙蛋饼
$75
39 浏览
1 赞好
0 留言
西班牙式鱿鱼圈（Calamari） $68 拣个鱿鱼圈时都喺十五、十六，但见佢伴个血橙汁，就加咗啲分想试吓。好彩有点，否则走宝，因为个炸鱿鱼圈本身已经好高水准，鱿鱼好柔软鲜甜，食得出新鲜货，炸浆做得好薄、好香脆，反而个血橙汁就唔觉太有咩特别，不过，作为佐料，平衡一下炸嘢嘅油腻感确喺功不可没 。此外，今晚试咗两道油炸嘅小食，两道菜都体现到师傅嘅炸功了得，食落唔会一口油嘅感觉。
烩辣肉肠（Chorizo Stew） $68 最后一道所尝嘅小食「烩辣肉肠」喺店长推介，佢话嚟试西班牙小食又点可以唔试一试西班牙辣肉肠！初时以为又喺细细碟，原来，一份有几多辣肉肠，以波特酒（即喺砵酒）烩煮，加入大大粒嘅白豆，啲辣肉肠烟烟韧韧，好有咬口，微微辣，又够入味，真喺好啱𩠌酒用 ，而白豆粉腍清甜，只卖$68，我哋都觉得好抵食。
烩辣肉肠
$68
36 浏览
1 赞好
0 留言
加泰罗尼亚炖蛋（Crema Catalana） $68 因为个名叫炖蛋，又加上送嚟个碗又热热哋，兼带点焦糖面，仲以为喺一道热食嘅甜品，点知一滔起，比教流质，入口除面层薄薄嘅焦糖脆之外，里面喺凉凉哋，依部份就喺餐牌所写嘅柠檬雪葩，再加啲士多啤梨同蓝莓。因为同大众理解嘅「炖蛋」有啲分别，相信未必人人都钟意，不过，作为见识吓其他地方嘅地道美食，又不妨一试。
加泰罗尼亚炖蛋
$68
29 浏览
1 赞好
0 留言
西班牙油炸鬼（Churros） $68 西班牙嘅经典甜品首选就喺「油炸鬼」，晌度嘅油炸鬼配搭甚有心思，因为有啲杏仁碎做装饰，但又可以黐起嚟一齐食，再者，配摩卡酱比起常见嘅朱古力酱又喺加分位，而且啲摩卡酱几香，一定沾唔晒，所以，剩番嘅就咁饮都好正，好似饮热摩卡咁香滑 ；仲有另一配角特浓咖啡雪糕，都好香咖啡味，雪糕嘅质感亦好柔滑，可是，讲番个主角，西班牙油条，我哋就认为外层脆就脆，不过个心唔知未炸透定喺咩问题，有少少粉，唔够脆身，唯有啲美中不足 ！
西班牙油炸鬼
$68
48 浏览
1 赞好
0 留言
最后，嚟多一个蓝色蒸笼，我哋明明无再嗌嘢兼已经叫咗埋单，原喺张单晌里边，真幽默 。
西班牙菜食得唔多，亦真喺认识唔算深，西班牙更喺个未踏足过嘅国度，希望有朝一日，走访这欧洲西边嘅国家，尝尽不同嘅西班牙小食。今晚嚟到Chico Chica，我俩都满足离开，因为食到品质高嘅菜式，所以，值得嘉许推介俾朋友 ！
张贴
