影片
更多
2024-08-10
171 浏览
而家间唔中星期五都会去所谓嘅比赛，其实只系柴娃娃度玩几局，地点响南华会。每次都会约埋一班同事一齐食个饭先出赛。今次因为平日负责膳食嘅朋友仔嚟唔到，所以冇人决定嘅情况底下就求其拣咗呢一间。（以为佢系平时嘅茶餐厅有茶餐食𠮶种。）见都系𠮶啲类型嘅嘢啦，点知原来冇我想食嘅茶餐（即系有碗面炒蛋多士𠮶啲啰⋯⋯）咁就大镬啦，我呢啲选择困难症嘅又好少会拣个饭食，终于退而求其次想拣一个咖喱猪扒饭，明明佢幅相有炒蛋有配菜，点知落单嘅时候佢话讲明先系冇炒蛋同配菜嘅，咁即系图片与事实不符啦！（但系佢又事先讲明，冇得同佢嘈）嬲嬲地唯有拣过第二样，结果拣咗葱油猪扒饭太阳蛋 （因为我钟意冲油捞饭啰）其实斋食个饭仲好食，佢个猪扒虽然好大块，不过切开似人哋冰咗好耐既肉咁、全靠佢外面嘅腌料，令到佢似返旧猪扒😞又系见到人哋食，总系觉得人哋𠮶碟好食啲，早知我食滑蛋叉烧饭啦，肯定唔会难食先啦，又唔使自己切又有滑蛋又有汁捞饭😝
见都系𠮶啲类型嘅嘢啦，点知原来冇我想食嘅茶餐（即系有碗面炒蛋多士𠮶啲啰⋯⋯）
咁就大镬啦，我呢啲选择困难症嘅又好少会拣个饭食，终于退而求其次想拣一个咖喱猪扒饭，明明佢幅相有炒蛋有配菜，点知落单嘅时候佢话讲明先系冇炒蛋同配菜嘅，咁即系图片与事实不符啦！（但系佢又事先讲明，冇得同佢嘈）嬲嬲地唯有拣过第二样，结果拣咗葱油猪扒饭太阳蛋 （因为我钟意冲油捞饭啰）
其实斋食个饭仲好食，佢个猪扒虽然好大块，不过切开似人哋冰咗好耐既肉咁、全靠佢外面嘅腌料，令到佢似返旧猪扒😞
又系见到人哋食，总系觉得人哋𠮶碟好食啲，早知我食滑蛋叉烧饭啦，肯定唔会难食先啦，又唔使自己切又有滑蛋又有汁捞饭😝
张贴