影片
更多
2009-06-03
101 浏览
同朋友去唔成坑口村的大排档，反而同家人来左深水埗的强记，又系一间想来好耐既地方! 因为突然决定来，唔肯定点样去，揾左一阵先揾到。虽然个厨房系出面，但原来大部份枱都系室内，同想像中有D出入。同埋原来佢系潮州打冷（睇其他食友点既菜唔似打冷），有卤味又有粥食! 又系因为冇做准备既关系，唔系好记得有咩好食，去到之后又唔识叫咩好，唯有乱试搏一搏啦。先来了一碟蚝饼。可以更脆，但已经算好香脆。蚝唔腥得来有鲜味，配上葱花，美味到不行，食到最后的一粒粒残骸都要食埋。伙计其实有推介到个墨鱼饼，但因为已经叫左人个蚝饼所以冇试，下次一定要试埋个墨鱼饼，相信一定都好出色。之后系焗鱼肠，爸爸话好香好好食。个焗鱼肠好重果皮味，不过鱼肠就少左D。小弟未试过食焗鱼肠，第一次试未系接受得到，但面头有D好似油炸鬼既野都好香口好特别。椒盐白饭鱼系唯一比较差的一味。粉有D厚，亦炸得唔系特别出色，下次可以不叫。沙丹虾（唯一有印象大家话好味的一道菜!）冇想像中咁一鸣惊人，但都非常之好食。D虾好大只好爽而且个粉唔太厚，加埋个汁酸酸甜甜几开胃。最好既系垫底既鱿鱼丝，烟烟韧韧，同D虾一齐食好正。最后的金银蛋浸苋菜虽然系好普通的一味菜，但
先来了一碟蚝饼。可以更脆，但已经算好香脆。蚝唔腥得来有鲜味，配上葱花，美味到不行，食到最后的一粒粒残骸都要食埋。伙计其实有推介到个墨鱼饼，但因为已经叫左人个蚝饼所以冇试，下次一定要试埋个墨鱼饼，相信一定都好出色。之后系焗鱼肠，爸爸话好香好好食。个焗鱼肠好重果皮味，不过鱼肠就少左D。小弟未试过食焗鱼肠，第一次试未系接受得到，但面头有D好似油炸鬼既野都好香口好特别。
椒盐白饭鱼系唯一比较差的一味。粉有D厚，亦炸得唔系特别出色，下次可以不叫。沙丹虾（唯一有印象大家话好味的一道菜!）冇想像中咁一鸣惊人，但都非常之好食。D虾好大只好爽而且个粉唔太厚，加埋个汁酸酸甜甜几开胃。最好既系垫底既鱿鱼丝，烟烟韧韧，同D虾一齐食好正。最后的金银蛋浸苋菜虽然系好普通的一味菜，但绝不马虎。蛋白既味道啱啱好，蛋黄就好香，皮蛋都唔错，全部都食得出系靓野。
本来贪心地谂住试多D野（爸爸话D卤味睇落去都几靓，仲有D粥同油炸鬼!），但四个人食左五个𩠌后都好饱，再食唔落，唯有下次再试! 虽然系大排档，讲到服务，我觉得简直系一流。伙计们都自动攞凳畀我地摆袋，落单时好有礼貌，而且有求必应。有车既朋友更加可以安心泊系出面，因为伙计们会同你睇实。一有人抄牌或者要你驶开，就会通知你，食都食得开心D。
埋单$293，全部都系海鲜咁济，算好抵食。食完后到出面耀东街望一望，发觉原来成条街有好多野食，仲要有几间都系之前系OR睇过，下次一定要来食晒佢! 再望一望强记既厨房，个屋顶上面有两只小猫坐左系度。可能连小猫都闻到个厨房够晒锅气，坐左系度唔舍得走。
张贴
