賞茶 (德福廣場2期)

营业中

休息中

台式飲品店响香港愈來愈多！每日試一間，真係一年都唔會重覆。今日同事「萬歲」就叫咗賞茶。因為屋企附近冇賞茶，所以對佢認識唔多。今日可以嚟探討一下。包裝方面賞茶嘅外賣杯以香港民生為主題，好有香港情懷嘅大牌檔、夜景、景點，插畫用心，好有本土精神。飲品方面鮮檸檬蜜冰量：正常甜度：半糖千萬唔好半糖，一定一定一定要正常糖。因為佢真係用鮮檸檬汁，酸度十足，而蜜糖味又超淡，完全冇蜜味，只有檸檬酸味。但都有好處嘅，就係非常消滯，醒神。而如果飲其他飲品，就可以微糖或者半糖。甜品方面粉粿芋圓仙草凍材料非常豐富色彩繽紛，有粉粿、芋圓、地瓜圓、仙草、花奶。粉粿口感煙韌，有啲似蒟蒻；芋圓地瓜圓好軟糯彈牙；仙草味道最濃，口感偏軟身，滑嘟嘟咁！整體好透心涼，如果炎夏食一定會更好！ 甜度偏甜，如果可以減糖就 Perfect 喇！疫情關係冇得堂食，唯有外賣自取帶返公司，食品質素當然會下降咗啲。但都算唔錯喇！最後又可能係疫情關係，店員客人個個帶住口罩都變得惜字如金，除咗點餐，俾錢就再冇第三句說話。