賞茶 (德福廣場2期)

营业中

休息中

台式饮品店响香港愈来愈多！每日试一间，真系一年都唔会重覆。今日同事「万岁」就叫咗赏茶。因为屋企附近冇赏茶，所以对佢认识唔多。今日可以嚟探讨一下。包装方面赏茶嘅外卖杯以香港民生为主题，好有香港情怀嘅大牌档、夜景、景点，插画用心，好有本土精神。饮品方面鲜柠檬蜜冰量：正常甜度：半糖千万唔好半糖，一定一定一定要正常糖。因为佢真系用鲜柠檬汁，酸度十足，而蜜糖味又超淡，完全冇蜜味，只有柠檬酸味。但都有好处嘅，就系非常消滞，醒神。而如果饮其他饮品，就可以微糖或者半糖。甜品方面粉粿芋圆仙草冻材料非常丰富色彩缤纷，有粉粿、芋圆、地瓜圆、仙草、花奶。粉粿口感烟韧，有啲似蒟蒻；芋圆地瓜圆好软糯弹牙；仙草味道最浓，口感偏软身，滑嘟嘟咁！整体好透心凉，如果炎夏食一定会更好！ 甜度偏甜，如果可以减糖就 Perfect 喇！疫情关系冇得堂食，唯有外卖自取带返公司，食品质素当然会下降咗啲。但都算唔错喇！最后又可能系疫情关系，店员客人个个带住口罩都变得惜字如金，除咗点餐，俾钱就再冇第三句说话。