豚王 (V Walk)

营业中

休息中

V walk 新开咗一间豚王拉面, 因为我自己好钟意食辣，所以就嗌咗个赤王。而我朋友谂唔到食咩，见到绿色汤底嘅拉面就好有兴趣，询问之下呢原来绿色嘅汤底系因为有橄榄油，同芝士，听落都几得意就哎来试下。翠王的芝士同橄榄油，同豚骨汤底出奇地夹，芝士同橄榄油味都好浓。不过我同朋友都觉得有少少怪怪哋，因为呢个组合的味道，好似食紧西餐嘅感觉。赤王个秘制辣酱汁真系几正，好香蔴味，连我食得辣嘅都觉得呢个拉面几辣下，真系食得辣先好哎，佢嘅肉碎好多，配埋辣嘅豚骨汤底真系一流。不过觉得汤底有d少，食左一阵就剩番好少汤。豚王嘅拉面系冇蛋嘅，如果想食呢就要分开嗌。只蛋要17蚊，好似有啲贵。。但系食完第一啖之后就觉得值。个蛋心做得岩岩好，好香蛋味，又唔会太咸。总括嚟讲豚王拉面嘅汤底系比较浓厚嘅，钟意浓味豚骨拉面嘅朋友，都可以来试下呢个赤王同翠王。