Ben哥米線

营业中

休息中

成日经过见到开左间新米线，听朋友讲食过观塘分店唔好食，不过见成个场都冇乜人，同老婆今日又少赶咪谂住食完拿拿林出发，我嗌左个荽茜菠菜汤米线加嫩鸡同牛𦟌，盛惠$57，一睇青青地好似正常，食落你老板个汤底几乎冇味，系得少少咸味，个荽茜只系面头果堆用黎装饰既荽茜比多少少咁解，嫩鸡鞋到pk，米线煮到劲淋，加上冇味既汤，我真系唔知自己食紧啲咩，嬲到我，系得果三块薄薄牛𦟌叫有啲卤水味，是但食都feel到对食材系几咁求其，一啲心机都冇，我差唔多成碗冇食过，我好少写食评，但必须要反映呢间真系唔好黎。