影片
更多
2015-07-08
2159 浏览
闻说船街近年开左不少中高档西餐，而刚在上月在法国有两家分店的Atelier Vivanda 正式登录香港，当然要跟老婆大人黎试试。说真的，法国餐本来不大岩我一家两口既口味。首先，法国餐通常创新，但创意过头很多餐厅反而忽略左食材本身既鲜味。此外，法国餐多常portion 细，唔饱。不过此店跟邻店Akrame 均是由米芝莲星级名厨 Akrme Benallal 打造，都不妨一试。打去订位，本来想订星期六，点知full 左。岂有此理? 居然咁full? 咁订星期日啦~ 佢就话分2 round。第一round 6:30，第二round 830一入到去，见到系open kitchen。环境不俗。略嫌地方较窄，抬与抬之间空位不多。bar 抬有个年轻法国男子 (老婆话好靓仔!) 似系此店大厨。侍应普遍有礼貌但记性较差，落错2次单。先讲收费:，每位448四道菜: 1) 头盘，2) main course，3) 薯菜及沙律 (自称无限量供应)，及4) dessert头盘前有餐前法包配上自家制olive oil，侍应话olive oil 是自家制，一定要试。法包味道一般。相反，本来唔太"好"olive o
说真的，法国餐本来不大岩我一家两口既口味。首先，法国餐通常创新，但创意过头很多餐厅反而忽略左食材本身既鲜味。此外，法国餐多常portion 细，唔饱。不过此店跟邻店Akrame 均是由米芝莲星级名厨 Akrme Benallal 打造，都不妨一试。
打去订位，本来想订星期六，点知full 左。岂有此理? 居然咁full? 咁订星期日啦~ 佢就话分2 round。第一round 6:30，第二round 830
一入到去，见到系open kitchen。环境不俗。略嫌地方较窄，抬与抬之间空位不多。bar 抬有个年轻法国男子 (老婆话好靓仔!) 似系此店大厨。侍应普遍有礼貌但记性较差，落错2次单。
先讲收费:，每位448四道菜: 1) 头盘，2) main course，3) 薯菜及沙律 (自称无限量供应)，及4) dessert头盘前有餐前法包配上自家制olive oil，侍应话olive oil 是自家制，一定要试。法包味道一般。相反，本来唔太"好"olive oil 既我居然有惊喜! 个olive oil 好香之余重有朕garlic 同black pepper 味。
呢个系本餐既惊喜！话说某饮食杂志推介呢个烟熏牛。所以就算唔系menu 我都叫一客黎试，佢门口有部机切牛。侍应表示可配olive oil 一齐食用！呢个坚好食！10/10
之后上餐既头盘。老婆大人拣左beetroot risotto。我拣左duck leg。老婆大人觉得味道唔错。我食左啖觉得个risotto 个texture似意粉多过饭。至于duck leg... 我以为系成只duck leg 上抬... 哈哈。法国餐果然系变化多，古你唔到，原来系整到变鸭饼。有d 似罐头肉，重有少少腥。
Beetroot Risotto: 6/10
Duck Leg: 5/10
到main course 喇: 老婆大人拣左牛腹肌，我拣左鸭胸。老婆大人要medium rare，但我觉得似系medium。而我叫既medium 鸭胸就似7成熟。之后我听到隔黎抬叫左几人份量一齐share 既牛排，太生要打回头。似乎师傅煎扒既火喉掌握不足。讲番味道，肉面上晒左少少海盐去提起D肉味，用料都不俗。整体系ok。
牛腹肌: 7/10
鸭: 5/10
menu 有5款薯菜选择。但由于系法文，我同老婆都R哂头唔识解。 侍应同我地耐心逐一讲解。我地叫左薯饼同薯蓉。点知黎左薯饼同炸薯波。同侍应讲，佢都好nice 肯比多份薯蓉我地。薯饼: 喜好问题 呢个得3/10
炸薯波: 错有错著，一致认为几好食 7/10
薯蓉: 坚好食!!!! 有别一般既薯蓉，佢用大量既牛油同 cream 去整，有D 似忌廉薯蓉汤 10/10
问题来了，话说一早讲明薯菜无限量供应，监于个薯蓉坚好食，我地打算encore。点encore 完过左好耐都唔黎，第一抬encore 既薯菜都到哂，我就再问侍应，睇下佢系咪唔记得落单。点知佢话，薯蓉卖哂.... 下? 又话无限量供应? 同埋，薯蓉都会卖得哂架咩? 我地食第一轮wor... 对于呢个excuse，觉得有点不可思义，不过算啦，可能新开既餐厅货源准备不足，又或者想留番比下一轮...anyway...
最后，叫左cream brulee 同Custard/Vanilla Ice Cream做dessert 。 本来我地两个都想叫cream brulee，咁侍应话不如试下Custard。咁老婆话无所谓。点知，一黎到，两个custard....... (又系同一位侍应出错) 同佢讲番，cream brulee 就黎番喇，结果唔记得影..........甜品虽然唔算话好甜，但唔知咩原因总觉得太法国化，唔太岩香港人口味。
服务方面，店内有一位经理，不知为何长期失踪，只得侍应马不停蹄工作。我抬头杯红酒饮完，经理无问我要唔要加酒，反而走去叫侍应问下客人加唔加酒。我理解你要教下属，但你自己都应该要以身作则，唔系8成时间失踪。另外，由于系open kitchen 关系，睇得出上菜几慢，厨师煮好于左系bar 抬叮左几次钟，侍应两手空空行过都唔理，似乎系服务管理上，依然有改善空间。(应该话呢d漏洞系open kitchen 系特别明显)
总括黎讲，此餐厅新开业，水准当然可能会有D飘忽。食得出用料上乘，但师傅技术及服务依然有待改进。
张贴
