老鳳冰室 (已結業)

今日约左朋友去葵芳行街，知道附近开左间茶记老凤冰室，而且冰室既装修好特别，有好多经典既街牌、旧海报、铁信箱，就连menu既设计都好有心思。以前好兴既怀旧小食包括虾多士、雪糕红豆冰、铁板餐都有，亦有其他新式小食，就好似咸蛋黄西多士同芝士保龄球，有选择困难既我好难拣啊！我地叫左个芝士牛肉浓茄汤通粉，个餐包埋牛乳炒蛋配肉酱焗薯泥($48) ，感觉都几抵食。通粉铺左一层芝士，建议搅拌一下连通粉一齐食。至于蕃茄汤底，个人觉得比较稀，略嫌蕃茄味道较淡。因为个餐跟埋个炒蛋同薯泥，薯泥配埋肉酱一齐食，味道吾错，个人几钟意。原先我地想试都几多人钟意既芝士保龄球，当时下午2点半，想叫既时候已经冇晒，如果想食既话，记得留意时间。所以我地叫左个咸蛋黄西多士($28)，听讲切开之开后会有流心，好期待。西多士炸到金黄脆，卖相一流，侍应仲提我地要趁热食，虽然切开之后并冇流心，不过中间既咸蛋黄酱都好好味，真系值得一试。值得一提既仲有依杯原粒波波奶茶，黎到时候系有粒好大粒好似雪人形状既奶茶冰，可以keep住奶茶既味道之余仲可以搅碎d冰连奶茶一齐饮，口感都几特别架！