羅麥記 (已結業)

团购做紧优惠，俩口子来试试。环境装修好有心思，比较怀旧，好多旧香港茶记嘅元素，坐得舒服！粒粒红豆奶茶冰必叫！奶茶好香好滑，红豆有咬口，而且面头有三粒红豆mix奶茶冰，食落好似沙冰，咁样就唔会因为溶冰而令到杯奶茶沟淡哂！罗麦鸡翼捞通粉罗麦汁类似瑞士汁，但比瑞士汁杰身同甜，捞通粉几特别，不过略嫌太多汁，食得多就变咸！鸡翼有四只大大只，唔算入味但肉质滑，无雪味！最后嗌埋个罗麦记招牌菜砖头焗猪扒饭上枱时热辣辣，望落都几有睇头！切开里面系白饭+小小蛋丝，有点失望，因为本来预系炒饭底。猪扒属于一般猪扒货色，落左好多梳打粉松肉。值得一赞嘅系个茄汁配面包砖！我地宁愿食哂成个面包都唔想食白饭，试一次就够喇...