雪龍湯 (已結業)

OP揾到呢间新开又有2x个好评的新派韩菜，我呢位小韩人食过之后就唔觉得有韩气啰。首先，柯打三份前菜小食，韩式牛肉沙律，正常的，牛肉调味调得唔错；金丝虾卷，炸物，一条条炸物，油味好抢，里面就食唔出系咩(可能系我味觉愚昧)；最出事系芝士饺子鸡翼，成块芝士挞响鸡翼上面而唔系酿左入去系咩玩法？然后到主食，松叶蟹钳乌冬，汤底系出前一丁味粉嘅味道，一般到唔一般(可能又系我味觉愚昧)；黑啤猪手，只猪手㶶到一个点，D配菜系食到啤酒味，黑唔黑啤我唔知，只猪手同我本人就比较黑；又到终极出事招牌菜，话说呢间叫雪龙汤，叫个招牌牛肉雪浓汤应该冇死啦，一心期待系我最爱的雪浓汤味道，点知打捞到嘅唔系牛肉或牛筋牛骨，而系萝卜同牛展！咩料呀？喝一口汤，浓浓的萝卜汤的味道，说好的雪浓汤呢？问侍应点解会用牛展煲雪浓汤，佢话汤底系用牛肉牛骨去淆，用牛展上枱，sorry啰，你漏左样好重要嘅材料：萝卜！其实系用萝卜去淆，系咪？我每次返韩国都吃地道雪浓汤，浓浓的牛肉牛骨味系令人回味，但唔系呢种味道啰。