GoNuts. (已結業)

将军澳真系有好多充满特色同情调嘅餐厅～今次黎到呢间装修色调偏橙系、几modern 嘅餐厅享用我哋晚餐，感受悠闲嘅一晚～✎ 白松露油野菌猫耳朵意粉 材料有油野菌、核桃、洋葱同埋猫耳朵意粉。整体相对creamy 同浓味，猫耳朵意粉口感腍身，核桃切成碎粒，其酥脆嘅口感同软嫩嘅油野菌同埋猫耳朵意粉配搭，形成丰富层次，食落油腻感唔多，比较健康，而且份量都算多，食哂都几饱下！✎ 龙虾汁蟹肉意大利饭 饭唔会太硬但同时保留咬口，黏黏口感，同样好creamy。先食蟹肉再食意大利饭比较好，因为意大利饭伴龙虾汁，𠮶种龙虾味非常浓郁，会盖咗蟹肉味。另外材料亦有切粒嘅秋葵同埋蕃茄粒，味道层次多变，同时减轻油腻感，平衡得几好！份量都多！✎ 梳乎厘班戟配蜂巢蜜牛油黑糖浆 班戟好松软Q弹，入口即融！班戟上面有黑蜂蜜牛油，淡淡牛油味，味道微甜，食到唔会觉得腻好有幸福感～啲cream 绵滑细腻，班戟加埋糖浆，入口更幸福满满！✎ 蓝柠檬梳打柠檬同梳打味都好重，清新感满满。✎ 杂莓热果茶微酸，淡淡杂莓香。