龍鳳食堂

营业中

休息中

带屋企人走访荃湾区，行入工业区见到有人走入地舖餐厅，我地望落餐牌价钱好似好抵bor, 就顺便简单医下肚。坐低左再认真点望下餐牌，发现系真系抵bor, 款式好多，有啲选择困难😆😆😆交比屋企人话事食咩：吉列鱼柳，火腿通粉，菠萝包配红豆冰。野食看似简单，不过觉得好滋味，觉得往后可以再搭车黎食下其他款。简单讲下个吉列鱼柳，滋味在于鱼肉质地本身嫩滑，靓鱼黎！皮薄脆口，食过番层味。腿通汤底唔会好油而且比正常份量要多，火腿切条上。菠萝包睇落系胀卜卜，查实咬落超软熟而家好够热，菠萝面皮薄脆香酥，我再另外买多个外卖第二日朝食😆红豆冰都几大杯，一半白一半红，甜度恰好，系必配地道餐饮。