影片
更多
2019-07-05
1845 浏览
观塘嘅工厦真系一个宝藏地方，近日又比我揾到一间环境、食物同服务都满分嘅餐厅。I’s Land Cafe 一间充童话故事感觉嘅餐厅，一行入去就比花花草草包围，入左一个绿色世界嘅感觉，好仙境好舒服，仲有一面布满花嘅特色墙，每一个位置都可以影相呃like，而且餐厅面积够大，每枱之间空间大，讲野唔洗担心比隔离枱听到。睇番个menu有散叫前菜、主菜、有set、甜品每一款都好吸引，而drink menu更加有三页。最后我地叫左个二人set dinner都系$398，每人$200有找，咩都有好够饱又抵食。餐汤系罗宋汤，材料非常多，温度适中，有少少酸味，配上蒜蓉包，开胃。沙律系野茄燕麦杂菜沙律，加左黑醋，仲有火龙果同菠萝，好清新，燕麦食落个口感好特别。小食我地拣左香脆美国粗薯条，炸每条金黄色，外脆内软，咬落热辣辣，好有有罪恶感但好好食，两种酱两种口味无咁单调。主食我地拣左有手指公推介嘅蜜糖香草烧春鸡，原只去头去尾咁上枱，烧到个皮好脆好香，一切开feel到啲香味溢出泥，同埋真系岩岩烧好就拎出泥，热到出烟，鸡肉好嫩滑，又有肉汁，就咁食已经好食，配上蜜糖更加惹味，只鸡真心超过二人份量，食完已经饱饱地。一样又
I’s Land Cafe 一间充童话故事感觉嘅餐厅，一行入去就比花花草草包围，入左一个绿色世界嘅感觉，好仙境好舒服，仲有一面布满花嘅特色墙，每一个位置都可以影相呃like，而且餐厅面积够大，每枱之间空间大，讲野唔洗担心比隔离枱听到。
睇番个menu有散叫前菜、主菜、有set、甜品每一款都好吸引，而drink menu更加有三页。
最后我地叫左个二人set dinner都系$398，每人$200有找，咩都有好够饱又抵食。
餐汤系罗宋汤，材料非常多，温度适中，有少少酸味，配上蒜蓉包，开胃。
沙律系野茄燕麦杂菜沙律，加左黑醋，仲有火龙果同菠萝，好清新，燕麦食落个口感好特别。
小食我地拣左香脆美国粗薯条，炸每条金黄色，外脆内软，咬落热辣辣，好有有罪恶感但好好食，两种酱两种口味无咁单调。
主食我地拣左有手指公推介嘅蜜糖香草烧春鸡，原只去头去尾咁上枱，烧到个皮好脆好香，一切开feel到啲香味溢出泥，同埋真系岩岩烧好就拎出泥，热到出烟，鸡肉好嫩滑，又有肉汁，就咁食已经好食，配上蜜糖更加惹味，只鸡真心超过二人份量，食完已经饱饱地。
一样又系拣左个有手指公推介嘅白松露忌廉手工扭绳粉，用左忌廉煮所以扭绳粉超级滑，白松露嘅味道强烈，极度吸引，另外带子煎香左，好香，而里耐仲系软滑嘅肉，半生熟嘅口感。
最后以甜品焦糖炖蛋为呢餐画上句号。
好欣赏I’s Land Cafe，除左佢环境好，食物好食之外，我非常欣赏个上菜嘅时间点，唔知系米员工真心有留意客人，我地每一道菜差唔多食完个阵，下一道菜就会送上泥，完全唔需要等，呢一个位真系值得赞。
张贴
