御前大江戶日式料理 (已結業)

今日住系观塘既朋友约左我出去倾计，就约左我去系Apm旁边行一分钟就到既御前大江户去食放题，一试佢既矶烧任食放题。一去到就比佢带有江户时代装饰既高楼底吸引左，好开扬，好舒服。而每张枱都有一个卡式炉作矶烧之用。而系点餐方面，佢用平板电脑点餐，既方便，又快捷，又准确唔会有错漏。首先不用入单，店员来了一个矶烧海鲜并盘。蚝，鲍鱼，蟹，虾同扇贝等既贵价食材一次过送上。每一样都好新鲜味美，佢地仲准备左张纸仔介绍每种食材需要烧几耐同点样烧法，十分之细心，唔够仲可追加部分配料，赞好。之后我出左去自助bar拎野饮，各种饮品，小食，汤品同甜品一应俱全，随意任拎，推介。点菜方面，点了个刺身并盘，推介鲍片弹牙有鲜味，而三文鱼方面则肥瘦刚刚好，也是一个不错的选择。其他菜式方面，印象最深制的是熊本一口牛同鸡软骨。一口牛入口即溶，有牛味，正! 而鸡软骨硬度刚好，食到鸡既鲜味。如果想又食矶烧，又食刺身，又想样样食少少，这𥚃真的是不错的选择！