影片
更多
2023-06-01
2275 浏览
以港式怀旧为装修布局嘅湾仔澜之茶居，餐厅设计非常细致，无论系花纹地砖、玻璃橱窗都尽显老香港情怀，就连墙上嘅海报、挂饰摆设都系店主嘅珍藏品，所以一踏进餐厅就好似回到花样年华嘅世界。除咗一丝不苟嘅设计，店主对于食物出品同样有份坚持，特登邀请名厨主理传统点心同粤式小菜，务求为食客带嚟高质体验。正味古树十五年普洱讲到饮茶，又点少得一杯靓茶呢？今日嚟到澜之茶居就试吓正味古树十五年普洱啦！普洱色泽褐红，茶色透彻，味道香浓，非常顺滑。甘哥叉烧餐包甘哥叉烧餐包绝对系澜之茶居嘅代表作！叉烧包喺餐包皮上面加上脆脆嘅酥皮，口感充满层次；至于叉烧用秘制酱汁整成，味道香浓。松露虾饺澜之茶居嘅所有点心都系即叫即蒸，所以够晒新鲜热辣。松露虾饺皮薄馅靓，入口随即散发出香浓嘅黑松露香味，更令鲜虾嘅味道大大提升，重点系非常弹牙！鹌鹑蛋烧卖好耐无见嘅鹌鹑蛋烧卖，真系充满回忆！鹌鹑蛋非常饱满，至于烧卖嘅肉汁丰富，值得推介。鲍鱼糯米鸡鲍鱼糯米鸡嘅用料非常丰富，除咗鸡肉、猪肉、虾米、冬菇、瑶柱、蛋黄等之外，仲特别加入咗鲍鱼呢！但咩配料对我嚟讲都唔重要，最重要系糯米鸡嘅荷叶味非常清香，再混合埋配料嘅香味，呢只糯米鸡嘅味道真系好有层
以港式怀旧为装修布局嘅湾仔澜之茶居，餐厅设计非常细致，无论系花纹地砖、玻璃橱窗都尽显老香港情怀，就连墙上嘅海报、挂饰摆设都系店主嘅珍藏品，所以一踏进餐厅就好似回到花样年华嘅世界。除咗一丝不苟嘅设计，店主对于食物出品同样有份坚持，特登邀请名厨主理传统点心同粤式小菜，务求为食客带嚟高质体验。
正味古树十五年普洱
讲到饮茶，又点少得一杯靓茶呢？今日嚟到澜之茶居就试吓正味古树十五年普洱啦！普洱色泽褐红，茶色透彻，味道香浓，非常顺滑。
甘哥叉烧餐包
甘哥叉烧餐包绝对系澜之茶居嘅代表作！叉烧包喺餐包皮上面加上脆脆嘅酥皮，口感充满层次；至于叉烧用秘制酱汁整成，味道香浓。
松露虾饺
澜之茶居嘅所有点心都系即叫即蒸，所以够晒新鲜热辣。松露虾饺皮薄馅靓，入口随即散发出香浓嘅黑松露香味，更令鲜虾嘅味道大大提升，重点系非常弹牙！
鹌鹑蛋烧卖
好耐无见嘅鹌鹑蛋烧卖，真系充满回忆！鹌鹑蛋非常饱满，至于烧卖嘅肉汁丰富，值得推介。
鲍鱼糯米鸡
鲍鱼糯米鸡嘅用料非常丰富，除咗鸡肉、猪肉、虾米、冬菇、瑶柱、蛋黄等之外，仲特别加入咗鲍鱼呢！但咩配料对我嚟讲都唔重要，最重要系糯米鸡嘅荷叶味非常清香，再混合埋配料嘅香味，呢只糯米鸡嘅味道真系好有层次。
拔丝咕噜肉
咕噜肉炸得非常香脆，猪肉肥瘦均匀，所以有种入口即化嘅感觉。味道方面酸酸甜甜，非常醒胃！
松子鲈鱼
绝对系考验厨师嘅菜式之一，呢碟松子鲈鱼绝对够惊喜！新鲜嘅鲈鱼预先起骨，再拎去炸，所以食起上嚟啖啖肉，外脆肉嫩，每啖鱼肉都充满酸酸甜甜嘅酱汁，转眼间就轻松清碟。
大虾粉丝煲
大虾新鲜弹牙，但最正当然系索晒全煲精华嘅粉丝啦！粉丝充满大虾嘅鲜香味，非常惹味。
小炒王
小炒王配料有韭菜花、虾、鱿鱼须、菜甫、腰果、炸芋头丝、芹菜、韭黄、辣椒丝等，色彩够晒缤纷。但静静鸡话你知，食小炒王最重要系试到餐厅出品够唔够镬气，结果当然系镬气十足啦！
张贴
