走過十萬八千里找到你

营业中

休息中

某日同事负责买外卖返嚟，大家都赞叹边间咁好食，佢话间餐厅叫做走过十万八千里找到你，大家都笑点解个名咁琼瑶，不过因为真系太好食，今日我就订咗外卖放工过嚟攞。原来呢度其实系一间好打卡able嘅Cafe，之前仲荣获新假期嘅推介餐厅。作为一间cafe，意粉、小食、甜品当然一应俱全。屋企大人细路都钟意食carbonara，所以我当然拣咗卡邦尼扁意粉配温泉蛋。佢嘅carbonara劲多烟肉，仲洒上芝士，混合埋温泉蛋嘅蛋汁，令整个意粉更香更滑。仲有呢个上次同事买过返嚟嘅明太子岩盐烧蟹棒猫耳朵，佢嘅明太子酱就真系非常惹味，再加上烧过嘅蟹棒同三文鱼籽，更加鲜味无穷，我尤其钟意猫耳朵嘅形状，可以完美地兜住意粉酱汁，一啲都唔浪费，食起上嚟更滋味。呢个黑松露薯条配黑松露酱真系超香黑松露味，而且个精粹其实系喺个黑松露酱入面，啖啖充满黑松露香。听讲呢度嘅甜品都好正，可惜外卖就只能够拣一啲方便带走嘅甜品，于是我就拣咗芝士饼，经典原味日式芝士蛋糕就最能食出芝士饼嘅水准，佢嘅芝士饼厚实而细滑，又唔会太溜。而宇治抹茶芝士蛋糕就多一点点抹茶嘅茶香，味道亦唔错。佢哋嘅花果茶亦都好受欢迎，简单一个茶包已经可以冲出美味嘅花果茶。