影片
更多
2022-01-28
919 浏览
之前同朋友约好咗去「走过十万八千里找到你」庆祝生日，但可惜疫情肆虐，再次无得晚市堂食😭。餐厅打嚟同我哋取消Booking之际，话佢哋晚市会照开店做外卖，自取仲有八折添🥡。既然我哋都要揾嘢食买返去，于是就决定帮衬支持下😛。呢度楼层面积虽细，但装修精致，绝对系一间靓靓打卡Cafe。女店员非常有礼貌，相信如果有得堂食，一定会系一个好嘅体验。我哋嗌咗两个意粉🍝同一份小食，食物即叫即整，热辣辣，质素高。卡邦尼扁意粉配温泉蛋($108)，餐牌上注明系选用Pancella烟肉港式制法🥓，咁即系点？我估系指意粉落咗忌廉去煮，但正唔正宗又有乜所谓呢，因为最重要系好食。卡邦尼酱汁浓而不腻，芝士同烟肉带出咸香。题外话，原来温泉蛋系分开上🥚，自己剥壳倒落去，仪式感十足。明太子岩盐烧蟹棒猫耳朵($138)，明太子口味嘅Pasta无得输😋。明太子以外仲有蟹籽同三文鱼籽，几样夹埋一齐食爽爽的，而且又够鲜味。🐱猫耳朵粉似厚切嘅贝壳粉，口感富有嚼劲，兼且挂汁度高。唯一有少少挑剔嘅地方就系蟹棒得一条，有啲孤寒🙈。黑松露薯条配黑松露酱($68)，🍟薯条好大盒，每条都新鲜炸起，所以好香脆，但另一边厢，中间就相对无咁软身。黑松
之前同朋友约好咗去「走过十万八千里找到你」庆祝生日，但可惜疫情肆虐，再次无得晚市堂食😭。餐厅打嚟同我哋取消Booking之际，话佢哋晚市会照开店做外卖，自取仲有八折添🥡。
既然我哋都要揾嘢食买返去，于是就决定帮衬支持下😛。呢度楼层面积虽细，但装修精致，绝对系一间靓靓打卡Cafe。女店员非常有礼貌，相信如果有得堂食，一定会系一个好嘅体验。
我哋嗌咗两个意粉🍝同一份小食，食物即叫即整，热辣辣，质素高。
卡邦尼扁意粉配温泉蛋
$108
22 浏览
0 赞好
0 留言
明太子岩盐烧蟹棒猫耳朵
$138
23 浏览
0 赞好
0 留言
黑松露薯条配黑松露酱($68)，🍟薯条好大盒，每条都新鲜炸起，所以好香脆，但另一边厢，中间就相对无咁软身。黑松露二重奏冲击味蕾，薯条本身已经有啲黑松露粒，另外仲有松露沙律酱。
饮品方面，嗌主食奉送一杯$52楼下嘅饮品，我哋要咗阿华田拿铁☕️同玫瑰乌龙茶🌹。即使系外卖，但造型都唔马虎，就好似花茶咁真系落咗几片花瓣㗎。阿华田味道好浓郁，甜度适中。
总括嚟讲，餐厅虽然系一间打卡店，但食物出品一样掂👍。我希望疫情可以早日缓和，等大家可以出街放心啲，轻轻松松坐低食个饭。晚市堂食开返的话，我会再嚟帮衬。
张贴
