POPMAZE (裝修中)

Popmaze 🤙係一間美式街頭風主題cafe，成間舖頭都好色彩繽紛，仲有好多hip-hop 元素係入面。佢每一個位置都充滿心思，有老闆自己畫嘅塗鴉，亦都有好多唔同公仔，非常打卡。而佢近期完咗試業期，正式開業，要把握時間快啲去試下！🍑經典芝士治(加太陽蛋)🧀🥪佢有兩款，分別係芝士煙肉，同我叫既經典芝士。經典芝士喺麵包裡面夾左芝士烘，芝士會拉絲，味道咸咸香香，食落去仲有少少楓葉糖漿味道。而麵包烘得好脆，推薦一定要加隻太陽蛋，流心太陽蛋配麵包一齊食，超邪惡。🍑邪惡蘋果金寶窩夫🍎🧇蘋果金寶係佢地自家製，裡面有大大粒蘋果，仲撈左燕麥，肉桂一齊整。等既時間耐左少少，但都值得。佢係由兩塊Croffle 夾住，Croffle 好鬆軟，而上面放左一個大大球嘅雲呢拿雪糕，而隔離仲配左一大pat忌廉，成個組合又邪惡又好食，推薦！🍑海洋伯爵茶梳打🌊佢地有好多特色飲品！而今次就咗杯好靚既海洋飲品，飲落去先喺伯爵茶味，之後再有梳打既氣泡感，而最底喺藍色糖漿，撈完之後飲好似韓式檸檬梳打，幾特別