影片
更多
2010-11-23
2 浏览
我係典型中環人, 上個禮拜同同事lunch喺呢度慶祝生日, 已經覺得set lunch極讚, 好足料, 於是今晚又嚟呢度開餐食朋友嘅生日飯, 正啊呢度其實都係一個幾陰濕位, 又冇指示牌, 其實唔係中環人嘅話應該唔算易搵, 應該係見到翠華後繼續向上環方向行, 然後去到分叉路口轉左, 見到個大嘅8字側邊有條樓梯上, 果度就係喇, 通常會有個職員企喺度派緊和味館傳單嘅5個人, 食左勁多野, 幾個最愛嘅係炒通菜, 前後order左3碟(誇!) 其實食物水準好平均, 全部都冇欺場, 好味, 趁新開仲有好水準好拿拿去試, 通常HK啲餐廳有通病, 初頭口碑好, 食食下會女變差, 希望呢間會keep到啦~蒜片牛柳粒 --- 牛柳粒好好味, 有好似用過美極或家樂牌豉油去煮嘅味炒通菜 --- 讚讚讚炒芥蘭 -- 讚讚蝦餅=蔗蝦 -- 我地寫左嘅係蝦餅, 嚟嘅係蔗蝦, 炸得彈牙可口蒸粉皮 -- 好精緻, 面頭仲舖左片細札肉刺身 -- 叫左三文魚, 赤貝, 甜蝦, 北寄貝等等, 普遍質量都唔錯, 帶子麻麻火鍋 -- 要清湯底, 估佢唔到清湯唔係清水味, D湯真係有味個喎, 清清地味道都唔錯, 不過湯底已有基本
呢度其實都係一個幾陰濕位, 又冇指示牌, 其實唔係中環人嘅話應該唔算易搵, 應該係見到翠華後繼續向上環方向行, 然後去到分叉路口轉左, 見到個大嘅8字側邊有條樓梯上, 果度就係喇, 通常會有個職員企喺度派緊和味館傳單嘅
5個人, 食左勁多野, 幾個最愛嘅係炒通菜, 前後order左3碟(誇!) 其實食物水準好平均, 全部都冇欺場, 好味, 趁新開仲有好水準好拿拿去試, 通常HK啲餐廳有通病, 初頭口碑好, 食食下會女變差, 希望呢間會keep到啦~
蒜片牛柳粒 --- 牛柳粒好好味, 有好似用過美極或家樂牌豉油去煮嘅味
炒通菜 --- 讚讚讚
炒芥蘭 -- 讚讚
蝦餅=蔗蝦 -- 我地寫左嘅係蝦餅, 嚟嘅係蔗蝦, 炸得彈牙可口
蒸粉皮 -- 好精緻, 面頭仲舖左片細札肉
刺身 -- 叫左三文魚, 赤貝, 甜蝦, 北寄貝等等, 普遍質量都唔錯, 帶子麻麻
火鍋 -- 要清湯底, 估佢唔到清湯唔係清水味, D湯真係有味個喎, 清清地味道都唔錯, 不過湯底已有基本配菜如娃娃菜, 蘿蔔, 粟米等, 所以落火鍋order記住唔係要呢幾樣住, 等佢嚟左睇定D先
雞翼 -- 全晚最麻麻係呢個, 味道唔係差, 但炸到皮好厚囉
沙律 -- 食左好幾款沙律, 都分唔清邊款打邊款, 每款味道都唔錯
飲品 -- 飲過咸檸七同荔枝蜜, 咸檸七好味D, 友人喉嚨不適, 佢嘅飲品紙又冇熱飲, 於是叫侍應比杯咸檸水嚟, 佢地都肯照做, 服務非常好
甜品 -- 極讚木糠布甸, 軟綿綿, 好似食緊綿花糖感覺, 好味過自己喺出面買, 桂花糕一般, 芒果布甸一般
仲食左好多其他野, 不能盡錄
到最後埋單, 原來5個人有額外95折, 我地食最貴時段係HKD 168/位(要加一), 然後再95折, 食得好開心的一餐!!
张贴