南駅

营业中

休息中

星期六惯例同屋企人周围去揾食，顺便系当区行一阵。近来疫情关系，九龙无咩事都系唔好去。咁唯有留返系港岛区hea下。见好耐无去过香港仔，就入嚟睇下，顺便食个午饭。一早嚟open rice睇定有咩选择，最后嚟到第一眼就见到bookmark咗嘅南駅，系出面望望下餐牌嘅时候有店员走出嚟话有位，咁就试下喇。四个人拣咗海南鸡饭，吉列猪扒乌冬，石锅安格斯牛肉饭，仲有海鲜笼仔饭。个海南鸡饭摆得好精致，卖相好得。我就食笼仔饭，店员送餐时好亲切咁加一句「趁热食～～」，咁我就梗系听话趁热食喇，海鲜好新鲜（有两只大虾，几粒元贝仔，仲有鱼同一啲我唔得叫咩名嘅蚌），𠮶饭蒸得啱啱好，加埋啲甜豉油十分好味。嘢食我就觉得十分好，但想赞嘅系店员，个个都好有礼貌，知你食乌冬、海南鸡饭，会好有礼貌咁同你换过啲餐具，当然仲有𠮶句好好听嘅「趁热食」喇！！！有机会一定会再嚟！例牌，唔中意影相，所以相片欠奉。