影片
更多
2018-12-02
1339 浏览
呢排有阵汉堡包热潮 先系美国嚟嘅Shake Shack 今次嘅主角系 the Five Guys 虽然系星期日 本来预咗要排好耐先有得食 但实际大概排咗半个钟 就到咗收银处 收银处隔离有堆花生免费自取 都几好食 可惜地下成地花生壳 感觉有啲邋遢 汉堡包有分两只size 问番店员佢哋话分别就系约一块扒同埋两块扒 我就点咗一个双层烟肉芝士汉堡一份细薯条 同埋一杯汽水 至于汉堡包嘅配料系任拣嘅 不过自己有选择困难症 就拣咗佢个preset all the way 即系乜都有啲咁解 落单后就攞住个汽水杯去装汽水 好似7仔嘅自由斟 但呢度真系自由任你斟几次都得 呢度个厨房系开放式 客人可以一边饮住汽水睇住入面嘅店员好兴奋咁整汉堡包 冇错 入面有几个外籍嘅员工真系跳住舞咁整汉堡包 大概等咗十分钟𠮶餐就整好 主角汉堡包系用锡纸包住 同某知名连锁快餐店汉堡相比 呢度嘅汉堡包包得比较实净 馅料无咁容易跌出嚟 第一啖咬落去感觉好正可以食晒所有馅料 汉堡扒有肉味 而芝士又唔会太腻 不过最正都系啲烟肉咸咸香香又够脆口不过略嫌个包唔够热至于啲薯条系用杯装住 最得意嘅系佢啲薯条系满到泻出嚟会跌晒个纸袋入面 其实
虽然系星期日 本来预咗要排好耐先有得食 但实际大概排咗半个钟 就到咗收银处
收银处隔离有堆花生免费自取 都几好食 可惜地下成地花生壳 感觉有啲邋遢
汉堡包有分两只size 问番店员佢哋话分别就系约一块扒同埋两块扒 我就点咗一个双层烟肉芝士汉堡一份细薯条 同埋一杯汽水 至于汉堡包嘅配料系任拣嘅 不过自己有选择困难症 就拣咗佢个preset all the way 即系乜都有啲咁解 落单后就攞住个汽水杯去装汽水 好似7仔嘅自由斟 但呢度真系自由任你斟几次都得 呢度个厨房系开放式 客人可以一边饮住汽水睇住入面嘅店员好兴奋咁整汉堡包 冇错 入面有几个外籍嘅员工真系跳住舞咁整汉堡包
大概等咗十分钟𠮶餐就整好 主角汉堡包系用锡纸包住 同某知名连锁快餐店汉堡相比 呢度嘅汉堡包包得比较实净 馅料无咁容易跌出嚟 第一啖咬落去感觉好正可以食晒所有馅料 汉堡扒有肉味 而芝士又唔会太腻 不过最正都系啲烟肉咸咸香香又够脆口不过略嫌个包唔够热
至于啲薯条系用杯装住 最得意嘅系佢啲薯条系满到泻出嚟会跌晒个纸袋入面 其实咁样计番随时有一杯半嘅份量 薯条系比较粗身连埋啲薯皮𠮶种 食落去食到薯仔肉 但系唔知点解今日食嘅薯条好似唔系太脆 普普通通啦
总结嚟讲 呢度嘅汉堡包都算高质素 份量唔少 馅料选择又够多 但个包可以再热啲就更好 薯条就普普通通啦 可惜新开张试唔到佢地嘅奶昔 但系如果要我再排队食多次我就未必喇
花生
57 浏览
0 赞好
0 留言
双层芝士烟肉汉堡
$95
158 浏览
0 赞好
0 留言
薯条
$35
125 浏览
0 赞好
0 留言
张贴
