明星海鮮燒鵝專門店

营业中

休息中

6月30日起竹园街市关闭翻新至年底，领展设置的临时街市又只有蚊型蔬菜水果档，无晒鲜鱼、肉档、冻肉舖，d街坊唔想日日食斋，就唯有帮衬街市楼上的食肆～明星海鲜酒家。有时唔想煮饭，间中都会去明星食晚饭，钟意佢有十多款特价小菜，干净衞生，但街市关闭后短短三日，毎款小菜马上加价$10-$50不等，尤其是海鲜和肉类，明星真好识做生意，紧贴市场走势😅。今晚我哋点左红烧BB乳鸽、锦江海鲜豆腐煲同榄角蒸黄立仓。红烧乳鸽超细只，大约匙羹般的大小，细只到只能斩开两边，size只及平时食嘅一半，食落不单止唔脆、唔香口，仲略带点苦味，烧得太㶶、太干🤢👎🏻。海鲜豆腐煲有几只如5蚊硬币大小的虾、鱿鱼片、元贝仔、蚌片、冬菇、西兰花，当然还有炸豆腐，用料算唔错👌🏻，不过味道偏咸和太辣，食到一半要用滚水过一过才可继续食。全餐饭最好食应该系蒸黄立仓了，算新鲜，简单蒸煮再配上豉油👍🏻。最后加个炖鲜奶，侍应话晚饭时段喺即炖，唔太甜，幼滑，扺食👍🏻。